F
1. Fala zul hrat, sakhi zul hrat =Fala len ih thlun hrat ah cun neih ngenge.
2. Fala le Uite a thamtu poh duh =Mi va zutmettu cun duh an hlawh cingcing.
3. Fanu kir le loram kir =Fanu kir khal pai’ lennak, loram kir khal pathatnak.
4. Farah khawong tong lo =Farah tuk cu mi bom an tong lo.
5. Farah khurhawm tong lo =Farah cu zo hman bawmtu an nei lo.
6. Fa tir thih le tibur theikhat bung =Fatir thih khal na an ti tuk lo, tibur bung khal zang a raam tlak lo.
7. Fa lai sia le lo lai sia =Fa lai ro an co lo.
8. Fangci (toruah) cuh le =Thil a tikcu luanter lo ding, Fangci khal toruah vokzang cuh khelh ih vawrh a uul.
9. Fanghma than ih thang =Mithmuh hmaitheih ih thang thuntho.
10. Fangvui fual le nupi tha =Fangvui fual khal a dang hnakin fang a tamter ih lungawi a cehlei, Nupi tha khal in sungkhat an finkhawm ih lung an awiter hleice.
11.Fim man ei cawk lo, at man kuan cawk lo =Fim ruangah hlawk phah, at ruangah siatral phah.
H..
1. Hma lo tho in a feem lo =Thil fate tal a um cia lo ah thupuh a um lo.
2. Hmur cudup le kam khawng =Ei tlak lo ei, a mal tuk, ka a hnawm men
3.Hnar ih hnuaiah ka kau =Na ka kua khaw na tong men, na thu ngai a tlak lo.
4.Hngal in sa a ei =Zawi sawm lo khal in an in in an ei vivo men.
6.Hmun phei le ral rem =Hmun phei feh khal bang a um lo. Ral rem khal thinphannak a um nawn lo.
7.Huat ka duhah fifir ka puh -Huat ruangih thu phan tiang mi va puh.
8.Hricu hmaitha zuan -Milian le mitha va tlawn hliaphliap, hlephlep
9.Hrisau tuk a ngerhaw kel -A hleifuanih thilti cu mah a rawn awk leh.
10. Hrong manhla lo Pak Cio pa -Hrong supawk thei lo ruangih mai tuar phah.
11. Huahsuah in tawpeng a nei -Thil toktham tam tuk cu ti siatnak.
--------------------
I..
1. Inn hnakih nuam sawn hmun dang a um lo.
2. Inn hnen tha cu khaw dangih suahsempi unau hnak hman in rinsan an tlak sawn.
3. Inn hnen thawn remawk lo cu khaw thum do hnakin thin a bang sawn.
4. Innsangnu bik ih hmuihmel ah an sungkua dinhmun a lang.
5. Ih hmu cun hmaisong a nei lo.
6. Itthat bum cu thang a har.
7. Inn hnakin a sungih ummi a thupi.
8. Inn hi tlawng thabik a si.
9. Inn hnen le lo hnen va to hlah.
Simfiangnak:
1. Inn hi colhdamnak, kan ta rori a si ruangah hmun dang a tluktu a um lo.
2. Hmuhbanlomi le biakbanlomi thawn zianghman tuah a theih lo.
3. Hmuhban ih ral nei ringring, tuahmawh aw thei a si ih a tha lo zet.
4. Nu an poimawh tuk ih an mithmai zoh thiam ringring a tul.
5. Khuitawk hmun, ziang tikcu khal ah ihhmuh a suah hnuhnu cu sup theih a si lo.
6. Thei lo vekih an um hrim ruangah a si.
7. Innsang remawte-ih khua kan saktlangmi hi a thupi in a sunglawi bik.
8. Nundan ziangkim kan zirhawktheinak hmaisabik a si.
9. Innhnen, lohnen thawn hmuhbanawk ringring a si ih remawte-ih um thiam a tha bik.
--------------------
K..
1. Kel ek tam: (Tam menmen, zianghman santlai tuk lo, thathnemnak a nei lo).
2. Ka sen ah muthla ka tih, ka upat in ka pu ka tih: (nauhak thinlung in pawpi, sahrang tihnak cang kan thiam na’n, pi le pu, nu le pa upa sawn tihzah kan rak thiam lo).
3. Nauhak khawlak ih a tongdan khi an inn ih a zirmi a si: (Innsang hi thusia
thutha kan zirnak hmunpibik a si).
4. Kumkhat hrang – fang phunaw; kum hra hrangah – thingkung; kum zakhat hrang
– minung kilkhawi aw: (Minung thate-ih kilkhawi le zirhawk a thupitzia simfiangtu a si).
5. Ka nui’ thusim lung ning la savom sum su hmu hlah ing: (Nu le pai’ zirhnak thlun duh lo cu harsatnak a phunphun an tong theu).
6. Khuaitizu neitu’ n a taw ah tur pai: (Mi tha le tongkam thlum zet vekih langmi pawl khal thinheng le mitinat an thiam ve).
7. Khual makpa thih le zing ruah sur: (Zing ruah khal hmakhatte ah a han vekin, khual lamhla ih makpa thi khal theihhngilh a ol zet. Hnatuan le vahsuah a kham lo an ti).
8. Ka pa thih le kei lian lang: (Hnatuan zuam lo pai’ ro lawng khawm tum).
9. Kaileng cu a kawm ah a lang: (Kaileng kawm a tum le a mu khal a tum. Suahnak, hringtu nu le an poimawhzia relnak).
10. Kailawn hmaisabik pal ta aw: (Ziang thil khal in bulhram a nei ih cumi vekin a sangsangte-ih zir ding, tuan ding a si).
Source: CHIN (FALAM) CASIAR BU
Credit: vapualforum
link: https://vapualforum.com/viewtopic.php?f=24&t=49
